2ª parte do Serán de Ribarteme. Partituras. Boletín ETRAD 13

Moi boas, pandeiretísticas!

Esta é a derradeira entrada do blogue por este curso  quería agradecervos moitísimo q estivérades aí e que non vos desvinculárades da escola. Podo falar por parte de todolxs profes se digo que estes meses foron complexos para todxs, pero o que nos moveu para continuar foi o amor á música e o cariño hacia vós. Bótovos de menos, pero estou convencida de que isto rematará e sairemos reforzados. 

Bueno ... Imos co choio! A semana pasada fixemos repaso da primeira parte do Serán de Ribarteme (Xota, Ribeirana e Pasodoble). Pois esta toca repasar a outra mitad: dous pasos, saltadiño e valse.

Deixo aquí os enlaces ás follas das cancións:

Dous pasos de Ribarteme

Saltadiño de Ribarteme

Valse de Ribarteme

E aquí tendes o vídeo para que poidades cantar comigo.

2ª parte do Serán de Ribarteme: Dous pasos, Saltadiño e Valse

Quero que saibades que paseino moi ben este curso con vós. Foi un pracer e disfruteino moito. Agardo vervos o curso que ven.

Pasade un verán excelente e coidádevos moito moito

MILLEIROS de BICOS e GRAZAS por SER e ESTAR

Xela Conde Fernández

1ª parte Serán de Ribarteme. Toques de xota no pandeiro. Boletín ETRAD 12

Moi boas pandeiretísticas!

Esta é a penúltima entrada deste curso ... OOOOH! xa vai rematando e dame peniña

Esta semana toca repaso e aprendizaxe novo.

Por un lado imos repasar a xota, ribeirana e pasodoble do Serán de Ribarteme

Déixovos aquí os enlaces para que descarguedes as follas das cancións:

Xota de Ribarteme

Ribeirana de Ribarteme

Pasodoble de Ribarteme

E aquí tendes o vídeo coas tres para que cantedes comigo:

Serán de Ribarteme 1ª parte

E por outro ... a semana pasada foi o voso primeiro contacto co pandeiro, así que esta semana toca comezar a aprender o toque de xota. No vídeo ven todo explicado: tanto a postura coma localizacións e movemento das mans para facer os tres toques de xota: simple, de cinco e composto.

Aquí tendes o enlace co vídeo explicativo:

Toques de xota no pandeiro

E nada máis por esta semana. Para a próxima máis e mellor. ÁNIMO!

Biquiños positivos!

Xela Conde Fernández

Xota de Barciademera (voz e pandeireta). Exercicio de pandeiro. Boletín ETRAD 11

Moi boas Pandeiretísticas

Agardando que esteades moi ben, imos, sen dilación, a comezar co traballoño para esta semana.

Nas entradas anteriores tendes os toques e máis a melodía e hornamentación da Xota de Barciademera. Estou convencida de que traballáchedes moito e a estas alturas xa sodes capaces de cantar e tocar á vez. Así que vai o vídeo desta fermosa xota xa coa pandeireta acompañando a voz.

Xota de Barciademera. Voz e pandeireta

E, como xa falaramos durante o curso, imos tentar traballar un pouco de pandeiro cadrado (adufe). 

No vídeo que enlazo a continuación explico a postura e un primer exercicio para a primeira toma de contacto co instrumento. Recordade que se non tendes pandeiro podedes facer un cunha caixa de pizza (ou similar) e, se aínda así non o facedes ... bueno ... podedes intentalo cunha carpeta (inda que non sexa o ideal)

Toma de contacto co adufe

Pois por esta semaniña xa está. Para apróxima máis e mellor!

Biquiños grandes de sol!

Xela Conde Fernández

Xota de Barciademera 2. Toques para a volta. Melodía e ornamentación. Boletín ETRAD 10

Moi boas pandeiretísticas!

Agardo que sigades ben e que puidérades disfrutar dos paseos.

Eu sigo na casiña para ofreceros máis contido. 

Imos continuar coa Xota de Barciademera. A semana pasada estivemos traballando o toque composto de xota con puño, así que toca o turno agora do que se faría coa pandeireta na parte de volta (entre cada unha das coplas)

Aquí vai un vídeo explicativo:

2ª parte toques de pandeireta Jota de Barciademera

É bastante sinxelo, pero recomento facelo despaciño intentando que os "leite" non se adianten no tempo de 3/4.

E para que vaiades escoitando e probando, tamén tendes un vídeo coa melodía e a súa ornamentación. Escoitade con atención.

Melodía e ornamentación Xota de Barciademera

Xa tendes bastante para traballar esta semana. Ide facendo a modo e con ánimo. A próxima semana xuntamos as dúas cousas.

Mil bicos positivo para todas!

Xela Conde Fernández

Xota de Barciademera. Toques. Boletín ETRAD 9

Moi boas pandeiretísticas

Cómo ides? que tal esa muiñeira de Barciademera? Seguro que xa sae perfecta 

Imos agora coa xota. Mando a folla coa partitura, toques e coplas

Xota de Barciademera

Adxunto tamén o enlace do toque. Imos ir pouco a pouco como na muiñeira para que vaiades traballando e integrando o toque antes de cantar. Aquí tendes un vídeo explicativo.

Xota de Barciademera. Toque

Ide pouquiño a pouco. Verédes que non é tan complicado.

Pois moitos biquiños positivos

Próxima semana máis e mellor!

Xela Conde Fernández

Muiñeira de Barciademeta voz e pandeireta. Exercicios de técnica vocal: Belting. Boletín ETRAD 8

Moi boas panderetísticas

Nova semana e un pouco máis de práctica!

Antes de poñernos a cantar, un pouco de exercicio de técnica vocal para seguir perfeccionando o noso belting. Este vídeo está moi ben, inda q hai algunha cousa coa que non estou 100% dacordo (diferentes escolas). En tal caso, penso que vos pode axudar moito.

Belting sen esforzo

E agora sí ... Adxunto o vídeo cantando e tocando a Muiñeira de Barciademera. Despois destas semaniñas seguro que podedes cantar e tocar comigo. ÁNIMO!!!

Muiñeira de Barciademera. Voz e pandeireta

Pois nada máis polo de agora. Próxima semana máis e mellor

Biquiños cheos de positivismo!

Xela Conde Fernández

Melodía e ornamentación de Muiñeira de Barciademera. Boletín ETRAD 7

Moi boas pandeiretísticas

Esta semana ides comezar a aprender a melodía da Muiñeira de Barciademera.

Neste enlace tendes as coplas, partitura e os toques para practicar

Muiñeira de Barciademera

E no seguinte vídeo tendes a explicación da melodía, ornamentos da voz e tamén o tipo de calidade de voz que temos que empregar para cantala.

Melodía e ornamentación Muiñeira de Barciademera

Seguide traballando o toque para poder xuntalo coa melodía cando a teñades clara. A próxima semana enviarei o vídeo desta muiñeira cantada e tocada para que poidades practicar.

VEÑA! ÁNIMO! 

Xa vai quedando menos

Biquiños

Xela Conde Fernández